HSBC lejoi mashtruesit të transferonin miliona dollarë nëpër botë edhe pasi kishte mësuar për mashtrimet e tyre, tregojnë dokumentet sekrete, që rrodhën së fundmi.
Banka më e madhe e Britanisë i zhvendosi paratë përmes biznesit të saj në SHBA në llogaritë e HSBC në Hong Kong nga viti 2013 deri në vitin 2014, shkruan BBC, transmeton Insajderi.
Roli i tij në mashtrimin prej 80 milionë dollarësh është raportuar në një sërë dokumentesh të rrjedhura – “raportet e dyshimta të aktivitetit” të bankave – që janë quajtur Dosjet FinCEN.
Dosjet tregojnë se mashtrimi i investimeve filloi shpejt pasi banka u gjobit me 1.9 miliardë dollarë në ShBA. për pastrim parash. Ajo kishte premtuar të përmbahej nga këto lloj praktikash.
Mashtrimi ishte një skemë Ponzi – një lloj famëkeq investimesh që paguan aksionarët ekzistues me paratë e mbledhura nga aksionarë të rinj.
Rrjedhja e dokumenteve përfshin një seri zbulimesh të tjera – të tilla si sugjerimi që një nga bankat më të mëdha në ShBA mund të ketë ndihmuar një mafioz famëkeq për të lëvizur më shumë se 1 miliardë dollarë. /Insajderi.com
