Parisi do të mbyllë të gjitha baret plotësisht nga e marta ndërsa qeveria franceze ngre alarmin e koronavirusit pas një periudhe të qëndrueshme të niveleve të larta të infeksioneve.
Kufizimet do të zgjasin dy javë, me detajet e plota që do të njoftohen të hënën, njoftoi zyra e Kryeministrit Jean Castex, shkruan BBC, raporton Insajderi.
Të Dielën Franca raportoi 12,565 raste të Covid-19.
Qyteti jugor i Marsejës mbylli bare dhe restorante javën e kaluar.
Niveli maksimal i alarmit të Francës hyn në fuqi kur shkalla e infeksionit në një vend tejkalon 250 për 100,000 njerëz dhe të paktën 30% e shtretërve të kujdesit intensiv janë të rezervuara për pacientët Covid-19.
“Këto masa, të domosdoshme në luftën për të frenuar përhapjen e virusit, do të zbatohen në Paris dhe tre departamentet që e rrethojnë menjëherë, për një kohëzgjatje prej dy javësh,” shpjegoi zyra e kryeministrit.
Restorantet në qytet do të duhet të vendosin rregulla të reja sanitare në mënyrë që të qëndrojnë të hapura dhe sallat e leksioneve universitare nuk duhet të jenë më shumë se gjysmë të mbushura.
Por restorantet dhe bistro baret që shërbejnë ushqim, si dhe alkool mund të qëndrojnë të hapur, për sa kohë që ata regjistrojnë detajet e kontaktit nga klientët dhe mbyllin dyert e tyre në 22:00.
Puna nga shtëpia duhet të ketë përparësi “tani më shumë se kurrë”, tha deklarata./Insajderi.com
