Presidenti Donald Trump, i mbyllur në rezidencën e Shtëpisë së Bardhë që kur u kthye në shtëpi nga spitali të hënën, ku ai po trajtohej për COVID-19, kaloi të mërkurën pasdite në Zyrën Ovale dhe regjistroi një video pranë saj, transmeton Insajderi.
“Unë jam duke qëndruar përpara Zyrës Ovale në Shtëpinë e Bardhë, e cila është gjithmonë një vend emocionues për të qenë,” tha Trump në videon që postoi në Twitter pasdite vonë, raporton USA Today.
Mjekët kishin dashur që Trump të qëndronte në rezidencën e Shtëpisë së Bardhë dhe udhëzimet e Qendrave për Kontrollin dhe Parandalimin e Sëmundjeve thonë se pacientët supozohet të bëjnë karantinë për të paktën 10 ditë pas fillimit të simptomave – në rastin e Trump, të enjten e kaluar.
Kthimi i Trump në Zyrën Ovale shkaktoi një mori reagimesh nga stafi i tij në një ndërtesë, në zyre ku presidenti dhe të paktën një duzinë punonjësish kanë rezultuar pozitivë për COVID-19 gjatë javës së kaluar. /Insajderi.com
