Drejtori dhe bashkëthemeluesi i festivalit letrar Hay është pezulluar pas një ankese nga një anëtar i stafit.
Peter Florence u pezullua në fillim të tetorit, në pritje të rezultatit të procedurave të ankesave, ka konfirmuar festivali.
Florence e themeloi festivalin me prindërit e tij në 1988. Festivali është një nga ngjarjet më të mëdha në letërsinë botërore.
Festivali Hay ka tërhequr shumë shkrimtarë dhe figura publike kryesore në Hay-on-Wye, në Powys, përfshirë ish Presidentin e SHBA Bill Clinton, i cili e quajti atë “Woodstock i mendjes”.
Florence u bë CBE në 2018 për shërbime ndaj letërsisë dhe bamirësisë dhe ai drejtoi jurinë e Çmimit Man Booker 2019 për Fiction.
Zonja Michel shtoi: “Bordi Hay Festival do të dëshironte të siguronte të gjithë mbështetësit dhe sponsorët se festivali është në duar të mira”.
“Ne nuk jemi të lirë të ofrojmë ndonjë koment të mëtejshëm mbi çështjet e personelit derisa të zgjidhet kjo çështtje”.
Normalisht festivali sjell mijëra vizitorë në Hay çdo pranverë, por këtë vit ai u detyrua të mbahej online për shkak të pandemisë së koronavirusit.
Zyrtarët e festivalit thonë se pretendimi kundër z. Florence është një çështje e veçantë nga pretendimet e bëra nga një prej punonjësve, Caitlin McNamara, e cila ka thënë se ajo ishte sulmuar seksualisht nga Sheikh Nahyan bin Mubarak Al Nahyan ndërsa ishte në Abu Dhabi.
Zonja Michel ka thënë se festivali nuk do të funksionojë në Abu Dhabi përsëri ndërsa Sheik Nahyan mbetet ministër i tolerancës.
Shejh Nahyan, 69 vjeç, i ka mohuar akuzat./Insajderi.com
Burimi: BBC News
