Kampioni i Kosovës në futsall, Prishtina Mabetex, në fazën e parë para eliminatore për Ligën e Kampionëve, e pret përballja me bashkëkombësit e tyre nga Shqipëria, më saktë me ekipin e Tiranës, njofton Insajderi.
Në shortin e hedhur të martën, përball Prishtina Mabetex do të jetë kampioni i Shqipërisë në futsall, FC Tirana, ndërsa ndeshja pritet të zhvillohet mes datave 24 dhe 29 nëntor në Prishtinë.
Gjithashtu, në këtë short u bë i ditur edhe ekipi kundërshtar i klubit shqiptar nga Maqedonia e Veriut, Shkupi, i cili është kampion në futsallin maqedonas, shkupjanët do të kenë përball skuadrën irlandeze të Blue Magic FC Dublin, ndeshje që do të zhvillohet në Shkup. /Insajderi.com
