Studiuesit australianë thonë se zbulimi i një kafke dy milion vjeçare në Afrikën e Jugut hedh më shumë dritë në evolucionin njerëzor.
Kafka ishte një mashkull Paranthropus robustus, një “specie kushëri” për Homo erectus, specie që mendohet të jetë paraardhës i drejtpërdrejtë i njerëzve modernë.
Të dy speciet jetuan në të njëjtën kohë, por Paranthropus robustus vdiq më herët.
Ekipi hulumtues e përshkroi gjetjen si emocionuese.
“Pjesa më e madhe e të dhënave fosile është vetëm një dhëmb i vetëm këtu dhe atje, kështu që të kesh diçka si kjo është shumë e rrallë, me shumë fat”, tha Dr Angeline Leece për BBC.
Studiuesit, nga Universiteti La Trobe i Melburnit, gjetën fragmentet e kafkës në vitin 2018 në vendin arkeologjik Drimolen në veri të Johanesburgut.
Ajo u zbulua vetëm disa metra larg nga një vend ku një kafkë Homo erectus e një fëmije në moshë të njëjtë u zbulua në 2015./Insajderi.com
BBC News
