Ish-udhëheqësi i Ganës, Jerry Rawlings, i cili kapi pushtetin dy herë në puçë ushtarakë por vazhdoi të sjellë rregull demokratik në vendin e Afrikës Perëndimore, vdiq të enjten në moshën 73 vjeçare, transmeton Insajderi.
Presidenti i Ganës, Nana Akufo-Addo, tha se Rawlings vdiq të enjten në mëngjes në Spitalin Mësimor Korle Bu në kryeqytetin, Akra, ku ai ishte duke marrë trajtim pas një sëmundje të shkurtër, raporton Al Jazeera.
“Një pemë e madhe ka rënë dhe Gana është më e varfër për këtë humbje”, tha presidenti. Akufo-Addo urdhëroi që flamujt anembanë vendit të uleshin në gjysmë shtizë për shtatë ditë zie kombëtare nga e premtja dhe tha se ai po pezullonte fushatën për zgjedhjet e ardhshme në dhjetor.
Rawlings lindi në 1947 nga një baba skocez dhe një nënë ganeze që vdiq në shtator në moshën 101 vjeç. Rawling, i cili u trajnua si një oficer i forcave ajrore, erdhi në pushtet në 1979 pasi udhëhoqi grushtetin e tij të parë dhe më pas transferoi pushtetin në sundimin civil shpejt.
Në dhjetor 1981, ai bëri një grusht shteti të dytë dhe ishte udhëheqësi ushtarak i Ganës derisa futi zgjedhjet shumë partiake në 1992 që e kthyen vendin në demokraci.
Ai fitoi zgjedhjet dhe u betua si president në 1993 dhe shërbeu për dy mandate të zgjedhur katër vjet, duke lënë detyrën në 2001.
Rawlings ia dorëzoi pushtetin John Kufour të partisë opozitare i cili kishte mundur nënkryetarin e Rawlings në zgjedhjet e vitit të kaluar. Pasi dha dorëheqjen, Rawlings mbeti një ndërmjetës i pushtetit në politikën ganeze ndërsa shërbente në poste të ndryshme diplomatike ndërkombëtare, duke përfshirë si përfaqësues të Bashkimit Afrikan në Somali. /Insajderi.com
