Janë mbyllur ndeshjet e Europa Ligës që kanë filluar në orën 21:00, ku kanë shënuar fitore favoritët, njofton Insajderi.
Në grupin A, Roma ka mposhtur me rezultat 2:0 në Rumani ekipin e Cluj, mysafirët kaluan në epërsi pas një autogoli nga Debeljuh, ndërsa dyfishuan rezultatin me Vereteout nga pika e bardhë. Pas kësaj fitore, Roma ka mbledhur 10 pikë dhe ndodhet e para në grup, duke siguruar fazën e eliminimit direkt.
Në grupin F, Napoli ka mposhtur kroatët e Rijekës 2:0, me golat e Politanos dhe Lozanos, ndërsa pas kësaj fitore, Napoli ndodhet në krye të grupit me nëntë pikë.
Tottenahm në grupin J, ka mposhtur thellë 4:0 Ludugorets, me golat e Vinicius që shënoi dy herë, ndërsa ka një herë realizuan Winks dhe Moura. Tottenham dhe Antwerp ndajnë pozitën e parë me nga nëntë pikë.
Në ndeshjet tjera të Europa Ligës që kanë filluar nga ora 21:00 u arritën këto rezultate:
AZ Alkmaar – Real Sociedad 0:0
Leverkusen – Hapoel Beer Sheva 4:1
Dundalk – Rapid Vienna 1:3
Granada – Omonia 2:1
Nice – Slavia Prague 1:3
PSV – PAOK 3:2
Rangers – Benfica 2:2
Standard Liege – Lech Poznan 2:1
/Insajderi.com
