Të paktën tetë persona janë vrarë dhe 52 të plagosur pas një trazire burgu në Sri Lanka, në të cilën rojet hynë në konflikt me të burgosurit, kanë thënë zyrtarët.
Të burgosurit kishin filluar protesta mes një rritje të infeksioneve të koronavirusit në burgje, duke kërkuar lirimin e parakohshëm me kusht dhe kushte më të mira.
Zëdhënësi i policisë Ajith Rohana tha që rojet kishin “përdorur forcë për të kontrolluar një situatë të padisiplinuar” në burgun Mahara.
Rreth 1000 raste janë raportuar nga burgjet e mbipopulluara të vendit.
Raportet e medias thonë se rojet e burgut kishin hapur zjarr për të përmbajtur trazirat. Raportet lokale të lajmeve cituan banorët të cilët thanë se kishin parë një “zjarr masiv” në lokalet.
Zëvendës Inspektori Ajith Rohana i tha BBC Sinhala se i plagosuri ishte shtruar në spitalin lokal Ragama.
Rohana shtoi se një kontigjent i komandave elitare të policisë ishte thirrur për të forcuar sigurinë përreth burgut dhe pesë ekipe policie ishin vendosur gjithashtu.
Kjo është e fundit në një seri trazirash burgu që kanë ndodhur në Sri Lanka javët e fundit, pasi numri i rasteve me Covid-19 në burgje vazhdon të rritet./Insajderi.com
BBC News
