Rastet e Coronavirusit në Angli ranë 30% pasi masat e bllokimit erdhën në fuqi në nëntor, sipas një studimi nga “Imperial College London” dhe “Ipsos MORI U.K. Ltd”, shkruan Bloomberg, transmeton Insajderi.
Gjetje nga studimi tregojnë se rastet po rriteshin ndërsa vendi hyri në një bllokim katër-javor në 5 nëntor dhe se një rënie e mprehtë pasoi ndërsa kufizimet kombëtare u përhapën, sipas raportit të botuar të hënën.
Studimi mbështet gjetjet “se masa më të forta do të duheshin në disa zona për të parandaluar rritjen e epidemisë dhe se masat në lokale duheshin ashpërsuar për ta mbajtur virusin nën kontroll sapo masat kombëtare të mbarojnë këtë javë”, tha raporti.
Masat e bllokimit në Angli do të përfundojnë këtë javë dhe kryeministri Boris Johnson po përballet me kundërshtim nga disa në partinë e tij konservatore ndaj planit të tij për të zëvendësuar bllokimin me një sistem të niveleve të kufizimeve për zona të ndryshme.
Shpresat janë që një vaksinë të administrohet së shpejti, duke filluar që nga muaji tjetër. /Insajderi.com
