Djali i presidentit të zgjedhur Joe Biden, Hunter Biden të mërkurën zbuloi se ai është nën hetim federal për mashtrim të mundshëm të taksave, shkruan New York Post, transmeton Insajderi.
Biden, 50 vjeçar, zbuloi hetimin në një deklaratë të lëshuar nga zyra e tranzicionit presidencial të babait të tij.
“Unë mësova dje për herë të parë që Zyra e Prokurorit të SHBA në Delaware këshilloi këshilltarin tim ligjor, gjithashtu dje, se ata po hetonin çështjet e mia të taksave”, tha Hunter Biden në një deklaratë.
“Unë e marr këtë çështje shumë seriozisht, por kam besim se një rishikim profesional dhe objektiv i këtyre çështjeve do të tregojë se unë i trajtova punët e mia në mënyrë të ligjshme dhe të përshtatshme, duke përfshirë edhe përfitimet e këshilltarëve profesional të taksave”.
Një dhjetor të vitit 2019, FBI gjeti një hard disk kompjuteri të braktisur nga Hunter Biden në një dyqan riparimi për kompjuterë në Delaware, sipas dokumenteve të siguruara nga pronari i dyqanit.
Disa nga dokumentet nga disku duket se lidhnin Joe Biden me marrëdhëniet e biznesit të Hunter në Kinë dhe Ukrainë. /Insajderi.com
