Milwaukee Bucks mundi skuadrën Orlando Magic me rezultatin 121-99 në Ligën Amerikane të Basketbollit (NBA), njofton Insajderi.
NBA vazhdoi me shtatë ndeshje. Milwaukee Bucks, një nga ekipet pretendente të Konferencës Lindore, shënoi fitore ndaj Orlando Magic me rezultatin 121-99.
Për skuadrën Bucks u dalluan Giannis Antetokounmpo, i cili shënoi 22 pikë, si dhe Khris Middleton dhe Bobby Portis, të cilët shënuan nga 20 pikë secili.
Nikola Vucevic, i cili shënoi një double-double me 28 pikë dhe 13 kërcime për Magic, ishte shënuesi më i mirë i ndeshjes.
14 pikët e Cedi Osman nuk ishin të mjaftueshme për Cavaliers
Cleveland Cavaliers humbën 101-91 nga Memphis Grizzlies në ndeshjen ku basketbollisti turk Cedi Osman realizoi 14 pikë, 4 asistime dhe 3 kërcime.
Për Grizzlies, Dillon Brooks regjistroi 21 pikë, Brandon Clarke 15 pikë dhe Tyus Jones 13 pikë.
Andre Drummond, i cili shënoi 19 pikë dhe 14 kërcime dhe Damyean Dotson, i cili kontribuoi me 14 pikë dhe 6 asistime për Cavaliers, nuk arritën ta parandalonin humbjen.
Rezultatet
Orlando Magic-Milwaukee Bucks: 99-121
Cleveland Cavaliers-Memphis Grizzlies: 91-101
Washington Wizards-Phoenix Suns: 128-107
Charlotte Hornets-New York Knicks: 109-88
Atlanta Hawks-Philadelphia 76ers: 112-94
Portland Trail Blazers-Toronto Raptors: 112-111
Sacramento Kings-Indiana Pacers: 127-122
/Insajderi.com
