Donald Trump nuk do të ketë qasje as në kanalin e tij në Yotube, kjo për shkak se platforma e transmetimit ka suspenduar kanalin e tij për të paktën një javë – suspendim ky që ka potencial të zgjatet, njofton CNN, transmeton Insajderi.
Kanali i tij në Youtube, ka shkelur një nga rregullat e platformës, njoftoi kompania të martën. Videoja që tashmë është fshirë, promovonte dhe nxiste dhunë.
YouTube nuk pranoi të ndajë detajet e videos që penalizoi Trump-in, por tha se pas një javë ndërprerjeje, kompania do të rishikojë vendimin.
Deri më tani, YouTube kishte qenë e vetmja platformë kryesore e mbetur e mediave sociale që nuk e kishte pezulluar Trump në një farë mënyre. Facebook ka pezulluar llogarinë e Trump “për një kohë të pacaktuar”, ndërsa Twitter e ka ndaluar plotësisht qasjen e tij. /Insajderi.com
