Presidenti i zgjedhur Joe Biden ka caktuar Sekretaren e Shëndetësisë të Pensilvanisë Rachel Levine të jetë ndihmës sekretarja e tij e shëndetësisë, duke e bërë atë zyrtaren e parë federale transgjinore e konfirmuar nga Senati i SHBA-së, shkruan Politico, transmeton Insajeri.
Një pediatre dhe ish-mjeke e përgjithshme e Pensilvanisë, Levine u emërua në postin e saj aktual nga guvernatori demokratik Tom Wolf në vitin 2017, duke e bërë atë një nga të paktët transgjinorë që shërbejnë në poste të zgjedhura ose të emëruara në të gjithë vendin.
Ajo fitoi konfirmimin e kaluar nga Senati i Pensilvanisë me shumicë republikane dhe është shfaqur si fytyra publike e përgjigjes së shtetit ndaj pandemisë së Coronavirus-it. /Insajderi.com
