Klubi i Prodhuesve të Kosovës ka nënshkruar një memorandum bashkëpunimi me Ministria e Zhvillimit Rajonal.
“Memorandumi i nënshkruar ka për qëllim thellimin e bashkëpunimit në mes të Klubit të Prodhuesve dhe MZHR-së, për të kontribuar për zhvillimin ekonomik dhe bashkëpunimin rajonal në Kosovë”, thuhet në njoftim.
Memorandumi u nënshkrua nga drejtori ekzekutiv i KPK-së, Astrit Panxha dhe ministrit të Zhvillimit Rajonal, Enis Kervan.
Synimi i përbashkët është bashkëpunimi i ndërsjellë, për të siguruar realizimin e aktiviteteve të përbashkëta në avancimin e zhvillimit socio – ekonomik rajonal, dhe duke përfaqësuar interesin publik midis komunitetit të biznesit dhe autoriteteve publike.
Ky memorandum ka për qëllim shpërndarjen e informacioneve tek prodhuesit lidhur me lansimin dhe implementimin e programeve nga MZHR për përkrahje të bizneseve.
Promovimin e bizneseve përfituese të MZHR-së dhe produkteve të cilat ata i prodhojnë, por edhe për ngritjen e kapaciteteve të bizneseve përmes formave të ndryshme të aplikimit, duke përfshi edhe partner tjerë potencial vendor dhe ndërkombëtar. /Insajderi.
