Nëntë muaj. Kaq kohë iu deshën 1000 miliarderëve në botë për të rikuperuar pasuritë e tyre pas goditjes pandemike të Coronavirus-it, shkruan CNN, transmeton Insajderi.
Më shumë se një dekadë është koha që do të mund t’i duhet më të varfërve në botë për t’u rikuperuar, sipas raportit vjetor të pabarazisë së Oxfam International.
Raporti, i lëshuar të dielën përpara takimit virtual të Forumit Ekonomik Botëror të liderëve politikë dhe financiarë, i mbajtur zakonisht në Davos, Zvicër, paraqet ndikimin e ndryshëm të virusit në të gjithë globin.
Pandemia mund të rrisë pabarazinë ekonomike në pothuajse çdo vend në të njëjtën kohë, hera e parë që kjo ka ndodhur, zbuloi Oxfam.
Coronavirusi, i cili ka infektuar gati 100 milionë njerëz dhe ka vrarë më shumë se 2.1 milionë në mbarë botën, ka futur pabarazinë në qendër të vëmendjes.
Në të gjithë botën, pasuria e miliarderëve është rritur me 3.9 trilionë dollarë midis mesit të marsit dhe fundit të dhjetorit, llogariti Oxfam.
Raporte të tjera kanë zbuluar gjithashtu se pandemia ka dëmtuar shumë të varfrit. Një studim i veçantë i Bankës Botërore në tetor që zbuloi se pandemia mund të shtyjë deri në 60 milion njerëz në varfëri ekstreme. /Insajderi.com
