Marrëveshja e Kosovës më Korporatën Amerikane për Zhvillim Ndërkombëtar (DFC) ka hyrë në fuqi tashmë.
Vetë korporata e ka kumtuar lajmin nëpërmjet twitter-it, përcjell Insjaderi.
Kjo marrëveshje erdhi si rezultat i nënshkrimit të dokumentit të Uashingtonit më 4 shtator ndërmjet Kosovës e Serbisë.
“Marrëveshja e re e DFC-së për Investime Nxitëse ka hyrë në fuqi, duke ia mundësuar DFC-së vendosjen e serisë së plotë të produkteve financiare në Kosovë”, ka shkruar DFC.
Hyrjen në fuqi të kësaj marrëveshjeje e ka përshëndetur edhe Zyra e Departamentit të Shtetit në Evropë.
“Njoftimi i sotëm forcon angazhimin e SHBA për të mbështetur zhvillimin e ekonomisë së Kosovës. IIA e DFC-së me Kosovën do të ndihmojë në mobilizimin e investimeve që krijojnë vende pune”, thuhet në reagim. /Insjaderi.com
Today’s announcement bolsters the U.S. commitment to supporting the development of Kosovo’s economy. The DFC’s IIA with Kosovo will help mobilize investments that create jobs. https://t.co/gLKtE9E6eI
— DoS Europe and Eurasia (@StateEUR) February 4, 2021
