Gjashtë roje fshati humbën jetën në një sulm të kryer me automjet të mbushur me eksploziv në provincën Herat në Afganistanin perëndimor, transmeton Insajderi.
Guvernatori Sayed Vahid Katali u tha gazetarëve se sulmuesit shënjestruan stacionin e rojeve në fshatin Kuddus Abad të rrethit Kohsan me një automjet të mbushur me shpërthyes, raporton Anadolu Agency (AA).
Kryemjeku i Spitalit Shtetëror në Herat, Arif Jalali, deklaroi se gjashtë roje u vranë dhe katër u plagosën si pasojë e sulmit.
Askush ende nuk e ka marrë përgjegjësinë për sulmin. /Insajderi.com