Me 1.607 vdekje në 24 orët e fundit, ka arritur në 539.703 numri i vdekjeve nga Coronavirusi i ri (COVID-19) në SHBA, transmeton Insajderi.
Sipas regjistrimeve nga Universitetit Johns Hopkins, i cili përpilon të dhënat për COVID-19, njoftohet se me 59.763 raste të reja, numri total i rasteve ka arritur në 29.668.173
Më shumë rast dhe vdekje janë shënuar në California
California, me 3.634.807 raste, ndodhet në vend të parë në vend, i cili pasohet nga Texas-i me 2 milion e 745 mijë dhe Florida me 1 milion e 994 mijë.
Gjithashtu, California e cila renditet e para edhe për vdekjet nga COVID-19 në SHBA me 57.200 vdekje, ndiqet nga New York-u me 49.262 vdekje dhe Texas-i me 47.025 vdekje.
Qendra për Kontrollin dhe Parandalimin e Sëmundjeve (CDC), e cila ndjek statistikat për vaksinimin kundër COVID-19 në SHBA, njoftoi se në të gjithë vendin numri personave të vaksinuar ka tejkaluar shifrën 115 milion e 730 mijë.
Sipas të dhënave të përditësuara nga CDC, në SHBA, 75 milionë e 495 mijë persona kanë marrë dozën e parë, ndërsa 40 milionë 981 mijë të tjerë dozën e dytë.
Pas SHBA-së, e cila renditet e para në botë për nga numri i rasteve dhe vdekjeve në pandemi, renditen Brazili me mbi 11 milionë e 780 mijë raste dhe India me mbi 11 milionë e 514 mijë raste. Ndërkohë, numri i vdekjeve nga COVID-19 në Indi ka shkuar në mbi 159 mijë, ndërsa në Brazil mbi 287 mijë. /Insajderi.com
