Daniele Orsato është gjyqtari që do të ndajë drejtësinë në çerekfinalen e sotme mes PSG-së dhe Bayern Munchen, në “Parc des Princes”, njofton Insajderi.
Italiani gjykoi edhe finalen e sezonit të shkuar mes këtyre dy skuadrave, fituar 1-0 falë golit të Coman.
Këtë sezon, Orsato ka arbitruar PSG-në në ndeshjen që fituan në fazën e grupeve 3-1 kundër Manchester United. Në total, 45 vjeçari ka gjykuar katër ndeshje të Bayernit Munchen.
Përveç finales së Lisbonës sezonin e shkuar, rezultatet e gjermanëve në tre ndeshjet e tjera janë dy fitore dhe një humbje: 5-1 kundër Benficës dhe 2-1 kundër Sevilles në vitin 2018.
I vetmi zhgënjim i bavarezëve nën drejtimin e këtij gjyqtari ka qenë kundër Liverpoolit në raundin e 1/8-ave në 2019, ku gjermanët humbën me rezultatin 3-1. /Insajderi.com
