Një video prekëse është shfaqur që tregon ekuipazhin e një nëndetëse indoneziane të fundosur duke kënduar të lumtur së bashku në bordin e anijes së tyre.
Videoja, e filmuar disa javë para se KRI Nanggala 402 të zhdukej, tregon disa nga ekuipazhi me 53 veta që këndojnë “Sampai Jumpa”, një hit indonezian titulli i të cilit do të thotë “Mirupafshim”.
Së pari videoja u shpërnda nga Erix Soekamti, këngëtarja origjinale e “Sampai Jumpa”, në Instagram të dielën.
View this post on Instagram
Komandanti i nëndetëses Heri Oktavian është mes atyre që janë mbledhur rreth një detari që i bie një kitare akustike.
“Edhe pse nuk jam gati të më mungosh, nuk jam gati të jetoj pa ty”, këndojnë marinarët. “Unë uroj të gjitha të mirat për ju”.
Video u regjistrua si një lamtumirë për komandantin në largim të trupave të nëndetëseve të marinës, pasardhësi i të cilit mori rolin e tij në fillim të marsit, tha zëdhënësi ushtarak indonezian Djawara Whimbo për AFP, transmeton Insajderi.
Nëndetësja e ndërtuar në Gjermani – një nga pesë në flotën e Indonezisë – u zhduk të mërkurën herët ndërsa ishte planifikuar të bënte ushtrime pranë Balit. /Insajderi.com
