Një anije bamirësie ka lundruar drejt portit sicilian të Italisë me 236 persona të shpëtuar në Mesdhe nga varkat e trafikantëve, ndërsa rojet bregdetare italiane dhe policia kufitare sollën 532 të tjerë në një ishull të vogël, transmeton Insajderi.
Grupi detar i shpëtimit SOS Mediterranee tha të shtunën një anije që operon, Ocean Viking, i tërhoqi emigrantët në siguri katër ditë më parë nga dy gomone, raporton Al Jazeera.
Me udhëzime nga autoritetet italiane, Ocean Viking po lundronte për në Augusta, Siçili, me pasagjerët e tij, të cilët, siç tha, përfshinin 119 të mitur të pashoqëruar.
SOS Mediterranee tha se disa pasagjerë u thanë shpëtuesve se ata u rrahën nga kontrabandistët me bazë në Libi dhe u detyruan të hynin në gomone të padenjueshme pavarësisht valëve të larta.
Në ishullin jugor të Italisë, Lampedusa, i cili është më afër Afrikës së Veriut sesa kontinentit italian, Kryetari i Bashkisë Salvatore Martello tha se emigrantët nga katër varka që kishin nevojë për shpëtim dolën në breg brenda natës. Ata u sollën në siguri nga rojet bregdetare italiane dhe anijet e policisë doganore.
Veçmas, një anije e marinës italiane shpëtoi 49 emigrantë, njoftoi TV-ja shtetërore italiane.
Ende në detin Mesdhe qendror të shtunën ishte një tjetër varkë bamirësie, Sea-Watch 4, e cila me 308 persona në bord që ishin shpëtuar në katër operacione të ndara nga anijet e nisura nga trafikantët, tha Sea-Watch në një deklaratë.
Shpëtimi i parë, prej 44 personave, ndodhi të enjten, thuhet më tej në deklaratë. /Insajderi.com
