Kryediplomatët e Bashkimit Evropian të martën do të mblidhen në një konferencë të jashtëzakonshme lidhur me konfliktin e vazhdueshëm midis Izraelit dhe Palestinës, njofton Insajderi.
Këtë e ka bërë të ditur Shefi i Diplomacisë së BE-së, Josep Borrell, me anë të një postimi në llogarinë e tij në Twitter, tha se kjo mbledhje e ministrave të jashtëm do të mbahet të martën.
Në këtë takim pritet që të diskutohet se si BE mund të kontribuojë për t’i dhënë fund dhunës aktuale.
“Në funksion të përshkallëzimit të vazhdueshëm midis Izraelit dhe Palestinës dhe numrit të papranueshëm të viktimave civile, unë jam duke thirrur një VTC të jashtëzakonshme të Ministrave të Jashtëm të BE të Martën. Ne do të koordinojmë dhe diskutojmë se si BE mund të kontribuojë më mirë për t’i dhënë fund dhunës aktuale”, thuhet në shkrimin e Borrellit. /Insajderi.com
In view of the ongoing escalation between Israel and Palestine and the unacceptable number of civilian casualties, I am convening an extraordinary VTC of the EU Foreign Ministers on Tuesday. We will coordinate and discuss how the EU can best contribute to end the current violence
— Josep Borrell Fontelles (@JosepBorrellF) May 16, 2021