Pep Guardiola pranon se përzgjedhja e formacionit të finales së Champions League kundër Chelseat më 29 maj do të jetë një nga vendimet më të vështira që ai do të marrë në pesw vite në Manchester, njofton Insajderi.
Trajneri i Cityt thotë se lojtarët do ta “vrasin” që të jenë në fushë në “Dragao” për të luajtur finalen historike të “Qytetarëve”.
Katalanasi, i cili ka bërë shpesh rrotacion gjatë këtij sezoni për të qenë në garë thuajse deri në fund në të gjitha kompeticionet, nuk e ka vendosur ende qasjen taktike kundër londinezëve apo aktorët në fushë: “Kam një ide. E di se si luajmë, por kam dy alternativa. Të shohim”, tha fillimisht spanjolli.
“Nuk jam i qartë, kështu që këto tri ndeshje do të më thonë se cili është në formën më të mirë dhe shanset që kanë për të luajtur. Lojtarët do më vrasin për të luajtur, e di këtë. Është bukur që të gjithë janë gati. Do të jetë një nga vendimet më të vështira për mua”, tha trajneri. /Insajderi.com
