Rreth 25 mijë banorë të Queensland në verilindje të Australisë janë evakuuar urdhëruar pasi cikloni tropikal “Debbie” po i afrohet tokës, duke sjellë me vete erëra të fuqishme dhe reshje shiu të shumta.
“Debbie” është paraparë të kalojë nga kategoria e tretë në kategori të katërt në përllogaritjen e fuqisë së ciklonit, para se ai të arrijë në tokë, pranë qytetit të Ayr të martën në mëngjes sipas kohës lokale, shkruan BBC.
Po ashtu është parashikuar që si pasojë e këtij cikloni të ketë përmbytje dhe stuhi të mëdha.
E para e Queensland, Annastacia Palaszczuk ka thënë se disa banorë kanë refuzuar të largohen nga shtëpitë e tyre, derisa Policia ka shkuar derë më derë në një përpjekje të fundit për t’i siguruar ata.
Cikloni “Debbie” është më i madhi që pritet të godasë Queensland pas atij Yasi që e kishte goditur këtë vend në vitin 2011, duke lënë pasoja shumë të mëdha. /Insajderi.com
