Katërshja e gjyqtarëve kosovarë në krye me Genc Nuzën do ta ndajnë drejtësinë në ndeshjen miqësore mes Turqisë dhe Azerbajxhanit.
Lajmin për pjesëmarrjen e tyre në këtë ndeshje e ka bërë të ditur Federata e Futbollit të Kosovës.
Miqësorja do të zhvillohet të enjten në Alayna të Turqisë, teksa Nuza do të jetë i asistuar nga Fatlum Berisha, Bujar Selimaj dhe Visar Kastrati.
Kombëtarja e Turqisë ka siguruar pjesëmarrjen në EURO 2020, ndërsa ndeshja ndaj Azerbajxhanit do të jetë fazë përgaditore për këtë kompeticion.
Kjo nuk është hera e parë që këta katër gjyqtarë nga Kosova drejtojnë një ndeshje të nivelit ndërkombëtar. Ata kishin ndarë drejtësinë edhe në miqësore e Turqisë kundër Moldavisë në vitin 2017. /Insajderi.com
