Të paktën një person ka vdekur dhe katër mbeten të zhdukur pas një shpërthimi në një fabrikë kimike në Gjermani.
Zyrtarët në qytetin e Leverkusen thonë se 16 persona u plagosën në shpërthimin, i cili ndodhi në orën 09:40 me kohën lokale (07:40 GMT).
Shpërthimi shkaktoi një zjarr që mori disa orë për ta shuar.
Policia u ka thënë banorëve lokalë që të qëndrojnë brenda dhe të mbyllin dritaret dhe dyert, shkruan BBC, transmeton Insajderi.
Shkaku i shpërthimit në vendin e djegies së mbeturinave Chempark nuk dihet ende.
“Ne jemi shumë të pikëlluar nga ky aksident tragjik dhe vdekja e një punonjësi,” tha Lars Friedrich, kryetar i Chempark.
Ekipet e shpëtimit po kërkojnë për të zhdukurit.
Dy nga të lënduarit kanë pësuar lëndime më serioze, sipas operatorit Chempark Currenta. Të gjithë të prekurit kanë punuar në vend.
Tre nga tanket u shkatërruan plotësisht ose pjesërisht, duke e bërë të vështirë për të përcaktuar se ku ndodhi shpërthimi.
Zhurma e shpërthimit mund të dëgjohej disa kilometra larg. Policia mbylli zonën përreth dhe mbylli një numër autostrada afër./Insajderi.com
