Ushtria e Koresë së Jugut tha se Koreja e Veriut ka lëshuar një raketë të re balistike.
Shefi i Shtabit të Ushtrisë tha se presidenti jugkorean, Moon Jae-in, ka thirrur një takim të Këshillit të Sigurisë Kombëtare.
Mësohet se raketa është hedhur nga qyteti verikorean, Uonsan, dhe se ka fluturuar në drejtim të lindjes.
Japonia e dënoi lëshimin e raketës dhe tha se ajo mund të ketë rënë në ujërat e saj.
Ushtria amerikane po ashtu tha se e ka vërejtur dhe analizuar raketën dhe se ajo ka qenë me rreze të shkurtër.
Koreja e Veriut ka kryer dy teste bërthamore dhe dhjetëra me raketa balistike gjatë muajve të fundit.
Ajo ka kërcënuar se së shpejti do të ketë kapacitet për të goditur SHBA-në.
