Sulmuesi i Barcelonës Lionel Mesi bashkë me babanë e tij rrezikojnë nga dy vite burg. Ata akuzohen nga prokuroria spanjolle për fshehje taksash me vlerën e 4.2 milionë eurove mes viteve 2007-2009.
Gjatë dëshmisë së dhënë në Gjykatën e Barcelonës, Mesi u deklarua i pafajshëm duke thënë se me administrimin e parave merrej babai i tij.
“Kam firmosur sepse kam besim tek im atë dhe nuk kam menduar kurrë se mund të më gënjente. Nuk jam interesuar ndonjëherë për këto probleme, pra nuk dija se po shkelja ligjin.
Nuk dija asgjë, unë kam menduar vetëm të luaj futboll. Kisha besim të madh tek babai dhe tek avokatët”,-ka thënë ai sipas gazetës spanjolle “Marca”. /Insajderi.com
