Antohony Joshua e mundi Joseph Parkerin me vendim unanim të gjyqtarëve të shtunën mbrëma dhe e shtoi titullin WBO në koleksionin e tij të pasur. Pas fitores, Joshua tha se dëshiron të rrihet qoftë me Wilderin apo Tyson Fury në luftën e radhës, e cila duhet të ndodhë në fund të këtij viti.
Wilder, i cili është kampion WBC, brez ky tashmë i vetmi që i mungon Joshuas, pritej të ishte i pranishëm në Cardiff për ta përcjellë drejtpërdrejt meçin, por në fillim të javës vendosi të mos udhëtonte fare dhe të mbetej në SHBA.
