Ministri i Jashtëm i Rusisë, Sergey Lavrov, ka akuzuar Britaninë e Madhe se ka bërë sulm kimik në Siri. Ai ka thënë se Rusia ka prova se një veprim i tillë të jetë kryer nga Britania e Madhe.
“Ne kemi prova të forta se kjo ishte një shfaqje dhe shërbimet speciale të një shteti që tani janë të etur të jenë në ballë të fushatës rusofobike kanë pasur gisht në të”, tha Lavrov para gazetarëve në Moskë, pa specifikuar emra.
Në anën tjetër menjëherë ka ardhur kundërpërgjigja nga Britania e Madhe, e cila ka thënë se kjo është një gënjeshtar e hapur e Rusisë.
Karen Pierce, ambasadori i Britanisë në OKB, i quajti gënjeshtra bizare deklaratat ruse lidhur me sulmin në Siri.
“Unë dua të them kategorikisht … se Britania nuk ka përfshirje dhe nuk do të ketë kurrë ndonjë përfshirje në përdorimin e një arme kimike”, ka deklaruar ai, raporton Insajderi.
Aleksandër Jakovenko, ambasadori rus në Londër, u tha gazetarëve se forcat e mbrojtjes civile siriane të financuara nga Britania e Madhe, helmetat e bardhë, ishin përgjegjës për vendosjen e sulmeve të rreme kimike nga ushtria siriane në një përpjekje për të mashtruar botën./Inasjderi.com
