Në konferencën për shtyp nga aeroporti “Nënë Tereza” pasi u kthye nga vizita dy-ditore në Berlin, Edi Rama foli për takimin me kancelaren gjermane, Angela Merkel. Pyetjes nga gazetarët nëse Merkel i ka përmendur Saimir Tahirin, Edi Rama nuk i ktheu përgjigje direkte.
“Me kancelaren kemi folur në detaje për të gjitha aspektet e raportit të progresit për ecurinë në të 5 prioritetet, për në mëmnyrë të veçantë ecurinë e reformës në drejtësi dhe patjetër për progresin e bërë me vettingun që sic e dini dhe ju, përbën një moment shumë të rëndësishëm dhe ka një vëmendje të veçantë nga të gjithë po dhe nga vetë kancelaria gjermane.” – u shpreh Edi Rama.
