Indekset në Wall Street papritmas “u përmbytën”, ndërsa Down Jons ka shënuar rezultat më të keq në tetë muajt e fundit, duke falënderuar rënies së befasishme të vlerave të kompanive teknologjike.
Down Jones ka humbur 931 poenë dhe ka rënë për 3,2 për qind, Standard and Poor 500 ka përfunduar me minus 3,3 për qind ndërsa Nasdaq 4,1 për qind.
Indeksi Nasdaq, me koncentrimin e lartë të kompanive teknologjike, ka shënuar humbje më të madhe për më tepër se dy vjet, pretendon Associated Press.
Rritja e rendimentit të bonove ka ndikuar negativisht te investitorët, ndërsa kompanitë të cilët vitin e kaluar kanë pasur rezultate më të mira, dje kanë realizuar disa nga humbjet më të mëdha.
Vlera e aksioneve të Amazon-it ka rënë për 6,2 për qind, dhe të Netflix-it për 8,4 për qind.
Në Evropë DAX gjerman ka rënë për 6,2 për qind, CAC 40 francez është në minus për 2,1 për qind derisa FTSE 100 britanik është në minus 1,3 për qind.
Në lindje kryesisht është shënuar një rritje e lehtë.
Nikei 225 japonez ka përfunduar me plus 0,2 për qind, si dhe Hang Seng i Hong Kongut indeksi i të cilit është rritë për 0,1 përqind.
S&P/ASX 200 australian ka përfunduar me plus 0,1 për qind.
Edhe çmimet e naftës kanë rënë. Sipas të dhënave të Bloomberg-ut, kompania referente amerikane e naftës është liruar për 3,2 për qind në 72,59 dollarë për fuqi, derisa çmimi i naftës së Brent-it ka rënë për 2,9 për qind në 82,51 dollarë për fuqi./Insajderi.com.
