Në një sulm me bombë në afërsi të Ambasadës së Rusisë në Kabul kanë mbetur të vdekur së paku 4 persona, ndërkaq raportohet për 24 të tjerë të lënduar
Sulmi me bombë në afërsi të Ambasadës rusë në Afganistan gjegjësisht në Kabul, ka lënë të vdekur se paku 4 persona, ndërsa është raportuar se 24 të tjerë kanë mbetur të lënduar, transmeton Insajderi
Për 4 viktimat dhe për 24 persona të lënduar nga ky sulm kanë folur edhe autoritetet, ndërsa këtë informacion e ka konfirmuar edhe Ministria e Punëve të Brendshme e Afganistanit.
Sipas disa burimeve thuhet se caku kryesor i sulmit me bombë vetëvrasëse ka qenë mjeti transportues i Ushtrisë së Afganistanit, në të cilin besohet të kenë qenë disa pjesëtarë të ushtrisë, raportoj Al Jazeera, transmeton Insajderi.
Një tjetër dëshmitarë, i cili punon në Ministrinë e Punëve të Brendshme ka thënë se sulmuesi me bombë vetëvrasëse ka hyrë me motoçikletë në veturën zyrtare.
Sulmi ka ndodhur në rrugën e shumë frekuentuar, e cila të qon në drejtim të Parlamentit në Afganistan.
Deri më tash raportohet se askush nuk e ka marrë përgjegjësinë mbi sulmin.
Ky sulm ka ndodhur dy ditë pas fillimit të raundit të dytë të bisedimeve të cilat kanë për qëllim ringjalljen e bisedimeve për paqe me talebanët./Insajderi
