Ardian Ismajli ka folur për mikrofonin e Supersport pas ndeshjes Shqipëria – Skocia.
Kombëtarja shqiptare e pësoi thellë në ‘Loro Boriçi, me rezultat 4:0 në Ligën e Kombeve, raporton Insporti
Mbrojtësi Ardian Ismajli, që së fundmi la Përfaqësuesen e Kosovës për t’iu bashkuar Kombëtares së Shqipërisë, tha se nuk pendohet pasi kjo gjithmonë ka qenë ëndrra e tij.
Ai e bëri debutimin me Shqipërinë në minutën e 27’ në ndeshjen me Shqipërinë, pas përjashtimit nga loja të Mërgim Mavrajt, duke zënë vendin e Ergys Kaçes.
“Falënderoj presidentin Duka dhe trajnerin Panucci për këtë mundësi për të luajtur për kombëtaren”, tha Ardian Ismajli.
“Asnjëherë nuk jam penduar për vendimet e mija në karrierë. Unë gjithmonë kam dashur të luaj për kombëtaren shqiptare, kombëtaren e gjithë shqiptarëve”, tha Ismajli, përcjell Insporti
“Do ta lëmë anash atë që ka kaluar dhe të shikojmë vetëm përpara”, shtoi mbrojtësi i kombëtares shqiptare.
Ismajli tha se në ndeshjen me Skocinë ishte shumë e vështirë të luhej me 10 futbollistë.
“Të them të drejtën ishte shumë e vështirë me një lojtar më pak, dhe unë u desh të futem në vend të Ergys Kaçes andaj mbetëm me një lojtar më pak në mesfushë”, tha Ismajli.
“Kur e morëm golin e tretë përfundoi gjithçka”, përfundoi Ismajli. /Insporti.com
