Kancelarja gjermane Angela Merkel ka thënë se ende ka kohë për negociata në mes të Bashkimit Evropian dhe Britanisë së Madhe për Brexitin.
Merkel ka pretenduar se i vjen keq për shkak të vendimit të parlamentit britanik që ta refuzojë marrëveshjen të cilën e ka arritur kryeministrja Theresa May me liderët e BE.
“Ne, natyrisht, do të bëjmë gjithçka të gjejmë zgjidhjen e duhur por jemi të gatshëm edhe nëse deri te ajo zgjidhje nuk arrihet”, i ka thënë ajo gazetarëve në Berlin.
Sipas fjalëve të saj, ende ka kohë për negociata por Bashkimi Evropian i pret propozimet e kryeministres britanike./Insajderi.com.