Zinedine Zidane ka reaguar pas humbjes shokuese të Real Madridit nga Rayo Vallecano, ekipit të fundit në tabelë.
Në javën kur rivali Barcelona e ngriti trofeun e La Ligas, ‘Los Blancos’ u mundën me rezultat 1:0 në udhëtim, ndeshje në të cilën Zidane ka cilësuar se “ekipi nuk dhuroi asgjë”.
“Ne nuk mund të japim këtë imazh. Unë jam përgjegjës. Nuk kemi luajtur dhe nuk kemi bërë asgjë nga minuta e parë në të 90-tën. Asgjë, zero”, ishte përgjigja e Zidane.
“Nuk janë vetëm lojtarët ata që janë fajtorët, është faji im për ndryshimet, unë jam përgjegjës për këtë humbje”, theksoi pas ndeshjes Zidane.
