Një përplasje mes helikopterit dhe aeroplanit la të vdekur shtatë persona.
Aksidenti ka ndodhur në alpet italiane ku një video amatore shfaq momentin e përplasjes së rëndë.
Ekipet e shpëtimit Soccorso në malet italiane, kanë publikuar videon e përplasjes në ajër të dy fluturakeve gjatë 25 janarit rreth 50 milje në veriperëndim të qytetit Turin, transmeton Telegrafi.
Videoja është filmuar nga dy kamera të vendosura në helmetat e turistëve që ishin në fluturake dhe që janë gjetur në afërsi të resortit La Thuile, ku shfaq momentet e fundit të dy fluturakeve që u përplasën në ajër.
Në momentin e përplasjes shihet se si aeroplani dhe helikopterit fillojnë të bien me shpejtësi të madhe, e siç raportojnë mediat italiane helikopteri që ishte ngritur në ajër pak minuta para përplasjes, nuk ishte në dijeni se aeroplani i Francës me katër ulëse po vinte në drejtim të tij.
Zëdhënësi i policisë italiane ka bërë të ditur se piloti i aeroplani ishte futur në hapësirën ajrore të Italisë, pa i informuar autoritet e kontrollit ajror.
