Kryeministri i Kosovës, Ramush Haradinaj ka thënë se Qeveria e Kosovës ka ndërmarrë hapa të mëdhenj në krijimin e një klime të favorshme në të bërit biznes dhe do vazhdojë të jetë krah i prodhuesve vendorë.
Haradinaj ka takuar deputetin e Kuvendit të Kosovës, Ramiz Kelmendi, një nga ndërmarrësit e suksesshëm.
Pas takimit, ai ka shkruar në Facebook, se Kelmendin si një nga tatimpaguesit më të mëdhenj në vend, e ka falënderuar për angazhimin në fuqizimin e ekonomisë sonë duke zgjeruar linjat e prodhimit që mundësojnë rritjen e të punësuarve./ Insajderi.com
