Të nisësh një biznes kërkon kohë, shumë punë dhe sigurisht para, por nuk është e thënë që duhet të kushtojë shumë.
Sipas kompanisë që merret me hulumtime Gallup International, më shumë se gjysma e punëtorëve në Shtetet e Bashkuara të Amerikës janë pasiv në rolet e tyre dhe se shohin pothuajse 8 orë program televiziv në ditë. Kjo është një sasi e madhe kohe dhe përqendrimi që mund të investohet në ndërtimin e një karriere të suksesshme.
Çdokush me një ide dhe ambicie mund të rrisë një biznes nga shtëpia. Një investim i vogël mund të mbulojë mjetet bazike që duhen për të filluar, duke hedhur themelet e diçkaje që mund të shndërrohet në një ndërmarrje të suksesshme, përcjell Telegrafi.
Secili nga bizneset e mëposhtme mund të fillohet krahas punës tuaj ditore dhe kërkon një investim fillestar prej 1,000 dollarësh ose më pak.
Mbështetës teknik
Përhapja e punës online do të thotë që bizneset kanë nevojë për mbështetës teknik më shumë se kurrë më parë. Ndërmarrjet e vogla me buxhete të shkurtuara shpeshherë e kanë të vështirë të përballojnë specialistë të punësuar dhe e marrin ndihmën nga burime të jashtme. Kjo është një mundësi e së tashmes. Eksperienca në një rol teknologjik, njohuria mbi sistemet dhe aftësia për zgjidhjen e shpejtë të problemeve janë thelbësore për të filluar një biznes të tillë.
Dizajnimi i programeve
Dizajnimi i programeve kompjuterike është një nga idetë e biznesit me kërkesat më të larta në këtë liste, por me aftësitë e duhura, eksperiencën dhe pajisjet mund të evoluojë në një karrierë shpërblyese. Njohuritë e thella për arkitekturën programeve dhe qasja në mjete si Sketch dhe GitHub janë thelbësore. Hartimi i tyre kërkon një kompjuter të qëndrueshëm. Macs janë një zgjedhje e zakonshme për specialistët e programeve, por të investosh për një të tillë mund të tejkalojë buxhetin prej 1,000 dollarësh.
