Mediat çeke gjatë ditës së sotme kanë spekuluar për formacionin e mundshëm të Kosovës.
Çeki – Kosovë është ndeshja e xhiros së parafundit të grupeve në kuadër të ciklit kualifikues për ‘Euro 2020’, dhe do të zhvillohet me fillim nga ora 20:45 në “Doosan Arena” të Plzenit, shkruan Insporti
Të dy kombëtaret përballen me mungesa të mëdha – te çekët mungon sulmuesi Patrik Schick, ndërsa ‘dardanëve’ u mungon sulmuesi Vedat Muriqi.
Pikërisht për shkak të mungesës së Muriqit, mediat në Çeki kanë filluar të spekulojnë rreth 11-shes startuese derisa kanë parashikuar se vijës së sulmit do t’i prijë Atdhe Nuhiu.
Në fotografitë e siguruara nga Insporti të shtypit lokal, shihet formacioni i mundshëm i Kosovës si dhe ai i Çekisë.
Sport.cz parashikon se vijës së sulmit të Kosovës do t’i prijë Atdhe Nuhiu, i mbështetur nga Milot Rashica e Florent Hadërgjonaj nga krahët.
Ndërkaq, vëmendje të madhe i është kushtuar Milot Rashicës, ku në një titull shkruhet “Kosova e ka lëshuar Raketën”. /Insporti.com/
