Tri raketa të tipit “Kaçusha” kanë rënë në Zonën e Gjelbër në afërsi të ambasadës amerikane në Bagdad.
Reuters kishte raportuar orë më parë për shpërthime të fuqishme që janë dëgjuar në kryeqytetin irakian, duke mos dhënë shkakun, transmeton Telegrafi.
هجوم صاروخي بثلاث قذائف كاتيوشا يستهدف المنطقة الخضراء ، والسفارة الامريكية تطلق صافرات الانذار pic.twitter.com/11QfbDV5Ic
— Methaq Al-fayyadh (@MethaqAlFayyadh) January 20, 2020
Besohet se të paktën dy shpërthime janë dëgjuar në afërsi të Zonës së Gjelbër, ndërsa AFP duke u thirrur në burime të afërta me autoritetet e sigurisë, ka njoftuar se nuk dihet nëse nga shpërthimet ka viktima.
“Nga ambasada po dëgjohen sirenat”, ka bërë të ditur ky burim. E në videon amatore të publikuar dëgjohen sirenat që alarmojnë për rrezik të mundshëm.
Kjo nuk është hera e parë që kanë ndodhur sulme me raketa ndaj bazave ajrore amerikane që janë të vendosura në këtë zonë.
