Në Moskë prej sot vendoset regjimi i përgjithshëm i vetë izolimit, pa marrë parasysh moshës, por nuk është kufizuar hyrja dhe dalja nga qyteti.
Kryetari i qytetit të Moskës Sergej Sobjarnjin ka kumtuar se qytetarët mund të dalin nga banesat vetëm në raste të ndihmës së shpejtë, shkuarjes në punë për ata që janë përfshirë me obligimin e punës, dhe blerje nëpër shitore dhe barnatore më të afërta.
Ai ka paralajmëruar se qytetarët të cilët kanë nevojë do të pajisen me fletë lëshime speciale për lëvizje nëpër qytet, në të cilin deri dje janë të infektuar më shumë se njëmijë njerëz, dhe kanë vdekur gjashtë.
Gjatë fundjavës Sobjanjin ka bërë apel për qytetarët që të mos dalin nga shtëpitë, por shumë persona kanë shëtitur nëpër qytet, kanë shkuar nëpër kafene dhe në piknik në rrethinë.
Kjo javë në Rusi është shpallur javë jo pune për shkak të koronavirusit.
Në Rusi janë shënuar më shumë se 1.500 raste të sëmurëve nga koronavirusi dhe kanë vdekur 8 persona./Insajderi.com.
