Nelson Mandela, udhëheqës i lëvizjes për t’i dhënë fund diskriminimit në Afrikën e Jugut, është liruar nga burgu pas 27 vjetësh më 11 shkurt, 1990.
Në vitin 1944, Mandela, me profesion avokat, iu bashkua Kongresit Afrikan Kombëtar (ANC), organizatës më të vjetër politike në Afrikën e Jugut, ku u bë një udhëheqës i krahut rinor të Johanesburg-ut të ANC-s.
Në vitin 1961, ai u arrestua për tradhti, dhe edhe pse liruar ai u arrestua sërish në vitin 1962 për tu larguar ilegalisht nga vendi. Dënuar me pesë vjet në burgun Robben Island, ai u vu në gjyq përsëri në vitin 1964 me akuzën e sabotimit. Në qershor 1964, ai u dënua së bashku me disa udhëheqës të tjerë dhe u dënua me burgim të përjetshëm.
Prej gjithsej 27 vite sa kishte mbajtur, Mandela kaloi 18 vitet e para në burgun brutal Robben Island. I mbyllur në një qeli të vogël pa një krevat, ai u detyrua të bëjë një jetë të vështirë. Ai kishte mundësin të shkruante një letër një herë në gjashtë muaj dhe një herë në vit ai u lejua të takohej me një vizitor për 30 minuta.
Megjithatë, vendosmëria e Mandelës kishte mbetur e pathyer dhe duke mbetur udhëheqës simbolik i lëvizjes anti-diskriminuese, ai udhëhoqi një lëvizje të mosbindjes civile në burgun që shtrëngohej nga zyrtarët e Afrikës së Jugut në mënyrë drastike, ata kishin kërkuar përmirësimin e kushteve në Robben Island. Ai u zhvendos më pas në një tjetër vend, ku ai jetonte në arrest shtëpiak.
Në vitin 1989, F.W. de Klerk u bë president i Afrikës së Jugut dhe kishte vendosur në lidhje me çmontimin e diskriminimit që behje në baza racore. De Klerk hoqi ndalimin mbi Kongresin Afrikan Kombëtar, kishte pezulluar edhe ekzekutimet si dhe në shkurt të vitit 1990 urdhëroi lirimin e Nelson Mandelës.
Mandela udhëhoqi me Konkresin Kombëtar të Afrikës gjatë negociatave me qeverinë e pakicës, me qëllim për t’i dhënë fund diskriminimit dhe krijimin e një qeverie multiracore. Në vitin 1993, Mandela dhe de Klerk u vlerësuan me çmimin Nobel për Paqe. Një vit më vonë, ANC fitoi shumicën e votave në zgjedhjet e para të lira të vendit dhe Mandela u zgjodh president i Afrikës së Jugut.
Mandela u tërhoq nga politika në vitin 1999, por mbeti një avokat global për paqe dhe drejtësi sociale deri në vdekjen e tij në dhjetor 2013. /Insajderi.com
