Presidenti i Turqisë Rexhep Tajip Erdogan ka nënshkruar një dekret që shndërroi Hagia Sophia në Stamboll – themeluar si katedrale – në një xhami, shkruan BBC, transmeton Insajderi.
Më parë gjykata e lartë administrative e Turqisë anuloi statusin muze të zonës kulturore me famë botërore.
Ndërtuar 1.500 vjet më parë si katedrale, osmanët e bënë Hagia Sophia një xhami. Por në vitin 1934 u bë muze.
Ashtë një sit i Trashëgimisë Botërore të Unesco-s. Unesco i kërkoi Turqisë të mos ndryshojë statusin e saj pa diskutim.
Islamistët në Turqi kanë kërkuar prej kohësh që ajo të shndërrohet në një xhami, por anëtarët e opozitës laike kanë kundërshtuar këtë veprim. Propozimi ka ngjallur kritika nga liderët fetarë dhe politikë në të gjithë botën.
Kreu i Kishës Ortodokse Lindore ka dënuar propozimin, ashtu si dhe Greqia – shtëpi për shumë miliona besimtarë ortodoksë.
Dekreti i Z. Erdogan i dorëzon kontrollin e xhamisë Ayasofya, siç njihet në gjuhën turke, drejtorisë fetare të Turqisë, për ta rihapur atë për besimtarë. /Insajderi.com
