Një studim i ri i COVID-19, bazuar në të dhënat nga një program gjurmues i simptomave, përcaktoi që ekzistojnë gjashtë “lloje” të dallueshme të sëmundjes që përfshijnë grupime të ndryshme të simptomave. Zbulimi mund të hapte mundësi të reja për mënyrën sesi mjekët mund të trajtojnë më mirë pacientët individualë dhe të parashikojnë se çfarë niveli të kujdesit spitalor do të kishin nevojë, shkruan CBS News, transmeton Insajderi.
Studiuesit nga King’s College London studiuan të dhëna nga afro 1.600 pacientë britanikë dhe amerikanë që regjistronin rregullisht simptomat e tyre në Aplikacionin Ndjekës të Simptomave COVID në mars dhe prill.
Në mënyrë tipike, mjekët do të kërkojnë simptoma kryesore si kolla, ethe dhe humbja e shqisës së nuhatjes, për të zbuluar COVID-19. Studimi, thotë se gjashtë “llojet” e ndryshme të COVID-19 mund të ndryshojnë nga ashpërsia dhe të vijnë me simptomat e tyre.
Gjashtë grupimet e simptomave të përshkruara në studim janë:
Të ngjashme me gripin pa ethe: Dhimbje koke, humbje e shqisës së nuhatjes, dhimbje të muskujve, kollë, dhimbje të fytit, dhimbje në gjoks, pa ethe.
Të ngjashme me gripin me ethe: Dhimbje koke, humbje e shqisës së nuhatjes, kollë, dhimbje të fytit, ngjyrosje, ethe, humbje e oreksit.
Gastrointestinale: Dhimbje koke, humbje e shqisës së nuhatjes, humbje e oreksit, diarre, dhimbje të fytit, dhimbje në gjoks, pa kollë.
Niveli i ashpër një, lodhja: Dhimbje koke, humbje e shqisës së nuhatjes, kollë, ethe, ngjirje, dhimbje në gjoks, lodhje.
Niveli i rëndë dy, konfuzion: Dhimbje koke, humbje e shqisës së nuhatjes, humbje e oreksit, kollë, ethe, ngjirje, dhimbje të fytit, dhimbje në gjoks, lodhje, konfuzion, dhimbje muskulore.
Niveli i ashpër tre, barku dhe frymëmarrja: Dhimbje koke, humbje e shqisës së nuhatjes, humbje e oreksit, kollë, ethe, ngjirje, dhimbje të fytit, dhimbje në gjoks, lodhje, konfuzion, dhimbje muskulore, gulçim, diarre, dhimbje barku. /Insajderi.com
