Muzikanti iranian Mehdi Rajabian thotë se po përballet me gjyq sepse bashkëpunoi me këngëtare dhe valltare femra, shkruan BBC, transmeton Insajderi.
30-vjeçari, i cili tashmë është burgosur dy herë me akuza në lidhje me muzikën e tij, thotë se ai u arrestua dy javë më parë për projektin e tij të fundit.
Albumi, i cili nuk është përfunduar ende, pritet të përfshijë vokaliste femra – të cilat në mënyrë efektive janë të ndaluara në Iran.
“Ky regjim dëshiron të ngulfasë zërin tim,” i tha Rajabian për BBC. “Ata insistojnë që unë të ndal muzikën”.
Muzikanti, i cili është me qendër në Sari në veri të Iranit, thotë se është thirrur nga policia e sigurisë më 10 gusht, i cili e arrestoi atë dhe e çoi në gjyq.
Rajabian thotë se një gjykatës i tha atij projektin e tij të fundit “inkurajoi prostitucionin”. Ai u la i lirë vetëm sepse familja e tij ishte në gjendje të paguanin dorëzaninë.
“Nëse bëj muzikë, ata menjëherë do të anulojnë dorëzaninë time,” tha muzikanti. “Tani për tani duhet të pres ditën e gjykimit”.
Rajabian tha se arrestimi erdhi pasi ai dha një intervistë në BBC në lidhje me albumin e tij të ardhshëm; dhe publikimi i një videoje ku shfaqet balerina e njohur klasike persiane Helia Bandeh duke interpretuar muzikën e tij. /Insajderi.com
