Pasuria kolektive e 10 miliarderëve më të pasur të teknologjisë sapo ra me 44 miliardë dollarë. Sipas Indeksit të Miliarderëve Bloomberg, CEO dhe themeluesi i Amazon Jeff Bezos pa rënien më të madhe të pasurisë individuale, duke humbur 9 miliardë dollarë, njofton Insajderi.
Elon Musk dhe Mark Zuckerberg gjithashtu panë rënie përkatësisht prej 8.5 miliardë dollarë dhe 4.2 miliardë dollarë. Dhe pasuria e Bill Gates është në rënie 2.9 miliardë dollarë.
Musk, Zuckerberg dhe Gates janë multi-miliarderë (domethënë ata kanë vlera neto prej të paktën 100 miliardë dollarë secili), dhe këto humbje janë fraksione të vlerës së tyre neto të përgjithshme. Për shembull, vlera neto e Bezos ra 4.5%.
Rëniet e tyre në vlerë neto vijnë pas një fillimi të fortë të vitit 2020 për kompanitë e teknologjisë, ndërsa klientët në të gjithë botën iu drejtuan shitësve dhe shërbimeve online gjatë pandemisë së Coronavirusit. /Insajderi.com
Burimi: Business Insider
