Drew Adams, një burrë trans ka shpenzuar 3 vite për të luftuar që studentët me gjini trans, të lejohen të përdorin tualetet që u përshtaten identiteteve të tyre trans.
Kjo gjë filloi kur Drew i cili kishte 14 vjet u ndalua të përdorte tualetin e meshkujve, raporton BBC, shkruan Insajderi.
Gjykata federale vendosi në favor të Drew, duke u bërë rasti i parë fitues që përfshin përdorimin e tualetit sipas identitetit të përzgjedhur, nga një student trans.
“Mendoj që kisha një lloj obligimi ndaj njerëzve që fshehin identitetin e tyre të vërtetë trans, sepse ka shumë njerëz që nuk kanë familje që i pranojnë”, tha Drew që tani ka mbushur 19 vjet.
Drew ishte në klasë të historisë kur u thirr në zyrën e drejtorit. “U ula dhe aty ishin 3 këshilltarë që rrinin para meje. Ata më thanë që nuk lejohesha të përdor tualetin e meshkujve”, tha ai.
Drew tregoi që në atë moment ndihej “i vogël, nervoz dhe i tmerruar” sepse mendonte që kishte bërë ndonjë gjë të gabuar.
Nëna e tij, Erica Kasper, u zemërua shumë dhe u takua me njërëz nga shkolla dhe nga autoritetet. Kur nuk morën përgjigjet që ishin duke kërkuar, Drew dhe nëna e tij bënë një padi civile kundër shkollës, e cila e dërgoi shkollën në një process hetimi.
“Ne u lodhëm së prituri dhe u ndërlidhëm me Lambda Legal – një organizatë që Lufton për të drejtat e LGBTQ dhe nënshkruam një padi kundër shkollës time në vitin 2017”.
Drew i përshkruan emocionet e tij pas fitores si të përziera mes lehtësimit, lumturisë dhe shqetësimit.
“Nuk mund të spekuloj për ndodhitë e ardhshme por mendoj që tani është koha për të luftuar për të drejtat e njerëzve trans”, thotë Drew.
Ai ndjehej se fjalët e tij si adolesht mund të inspirojnë të tjerët për të drejtat e komunitetit trans./Insajderi.com