![Akil Gjakova i artë në Lisbonë të Portugalisë](https://insajderi.com/wp-content/uploads/2021/04/auto_174285948_167811128580924_2431644511259449454_n1618674363-730x440.jpg)
Xhudisti kosovar, Akil Gjakova, është kampion i ri i Evropës për xhudo, njofton Insajderi.
Akili në finalen e Lisbonës, për medaljen e artë, ka mposhtur xhudistin izraelit Tohar Butpul, në kategorinë 73 kg.
Në Evropian, Butpul ishte bartës i parë, ndërsa Gjakova ishte bartës i dytë.
Ky është suksesi më i madh në karrierë për xhudistin Gjakova, teksa kjo ishte përballja e dytë me izraelitin, pasi edhe në vitin 2019 ishin ndeshur në grandslamin e Bakus në Azerbajxhan, ku xhudisti kosovar ishte mposhtur.
Kjo është medalja e tretë për Kosovën në këtë Evropian. /Insajderi.com